31/01/2018 - 16:48 17418

"O‘zbekiston Respublikasining Iqtisodiy protsessual kodeksini tasdiqlash haqida" O‘zbekiston Respublikasining Qonuni

Qonunchilik palatasi tomonidan 2017-yil 6-dekabrda qabul qilingan 
Senat tomonidan 2017-yil 20-dekabrda ma'qullangan

1-modda. O‘zbekiston Respublikasining Iqtisodiy protsessual kodeksi tasdiqlansin.

2-modda. O‘zbekiston Respublikasi Vazirlar Mahkamasi:

hukumat qarorlarini Kodeksga muvofiqlashtirsin;

davlat boshqaruvi organlari Kodeksga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta'minlasin.

3-modda. O‘zbekiston Respublikasi Oliy sudi O‘zbekiston Respublikasi Bosh prokuraturasi, Adliya vazirligi va boshqa manfaatdor tashkilotlar bilan birgalikda Kodeksning ijrosini, ijrochilarga yetkazilishini hamda uning mohiyati va ahamiyati tushuntirilishini ta'minlasin.

4-modda. Ushbu Qonun 2018-yil 1-apreldan e'tiboran kuchga kiradi.

O‘zbekiston Respublikasining Prezidenti Sh. MIRZIYOYEV

Toshkent sh.,
2018-yil 24-yanvar,
O‘RQ-461-son