08/10/2022 - 14:52 2082

Joriy yilning 7-oktabr kuni O‘zbekiston Respublikasi Iqtisodiy taraqqiyot va kambag‘allikni qisqartirish vazirligida Osiyo taraqqiyot banki (OTB) vakillari bilan uchrashuv bo‘lib o‘tdi.

Uchrashuvda Osiyo taraqqiyot banki vakillari Georg Malte Rudolf Maas, Begzod Jalilovlar ishtirok etdilar.

O‘zbekiston tomonidan Iqtisodiy taraqqiyot va kambag‘allikni qisqartirish vazirligining Yashil iqtisodiyotni rivojlantirish departamenti direktori, shuningdek, Moliya vazirligi va Eenergetika vazirligi, Ekologiya va atrof-muhitni muhofaza qilish davlat qo‘mitasi vakillari hamda O‘zbekiston Respublikasi Gidrometeorologiya xizmati markazi xodimlari ishtirok etdilar.

Uchrashuvda yashil iqtisodiyotga o‘tish, iqlim o‘zgarishiga moslashish va yashil energiyaga sarmoya kiritish kabi masalalar muhokama qilindi. Janob Malte Osiyo taraqqiyot banki Markaziy Osiyo mintaqasi uchun 2019-2030-yillar uchun 1 milliard AQSh dollari miqdorida grant ajratganini va 2023-yilning 1-iyulidan boshlab loyihalar faqat Parij kelishuviga muvofiq moliyalashtirilishini aytdi. Bundan tashqari, OTB vakillari iqlim oʻzgarishiga boʻlgan qiziqishni oshirishga qaratilgan yangi texnik yordamni yoʻlga qoʻyayotganliklarini maʼlum qilishdi, shu bilan birga erishiladigan uchta oraliq natijani belgilash:

1 - Iqlim o'zgarishi strategiyasini ishlab chiqish.

2 - Iqlim o'zgarishi uchun investitsiya imkoniyatlarini baholash.

3 - texnik salohiyatni yaxshilash va rivojlantirishga qaratilgan texnik yordam.

O‘z nutqi so‘ngida janob Malte vazirlik va idoralar vakillaridan texnik yordam ko‘rsatish sohalari bo‘yicha takliflar berishni so‘radi. O‘zbekiston vazirlik va idoralari vakillari tomonidan bir qancha yo‘nalishlar taklif etildi.

Uchrashuv yakunlari bo‘yicha tomonlar kelgusida hamkorlik qilish va texnik yordam ko‘rsatishning yangi yo‘nalishlarini aniqlashga kelishib oldilar.

Iqtisodiy taraqqiyot va kambag‘allikni qisqartirish vazirligi

Axborot xizmati